مــنــتــديات عـــطـــرهـا أنـفــاســــي



 
الرئيسيةالبوابةس .و .جبحـثالمجموعاتالتسجيلدخول

شاطر | 
 

 قصيده في بنات اخر زمن:البارحه وردني تالي الليل جوال ا..لرقم بايخ لكن الصوت قتال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شموخ الهيام

avatar

عدد المساهمات : 52
نقاط : 4797
السٌّمعَة : 1
تاريخ التسجيل : 01/07/2011
العمر : 25
الموقع : في قلب من أَحب

مُساهمةموضوع: قصيده في بنات اخر زمن:البارحه وردني تالي الليل جوال ا..لرقم بايخ لكن الصوت قتال   الخميس يوليو 14, 2011 12:31 pm

البارحة جاني مـن الحـب مرسـال *** من عقب ما بينـي وبينـه خصيمـة

وأنا ترى في الحـب مانيـب فعّـال *** ولا بعـد ولّـع بقلبـي هشيـمـه

ولا بعد غنّيت فـي ساعـة وصـال *** ولا بعد ذقـت الفـراق وجحيمـه

ولا جرى دمعي على الخـد همَّـال *** ولابعـد جربـت مــرّ الهزيـمـة

حتى وردنـي تالـي الليـل جـوال *** وأنا على شاهي وبسكـوت ديمـة

الرقم بايخ لكـن الصـوت قتـال *** كنه مثل صـوت المذيعـة حليمـة

قالت مساء الخير يـا طيّـب الفـال *** قلـت ارحبـي ترحيبـةٍ مستديمـة

بالعود والصفـري ودلـة وفنجـال *** واجبك يا بنت الأصـول الكريمـة

ردت بضحكة ثم قالت وش الحـال؟ *** قلت اشهد إن الحال عقبك سقيمـة

قالت وهي تضحك بعد مثل الأطفال *** وأنا بعـد كنـي بدونـك يتيمـة

من يـوم قالتهـا تزلزلـت زلـزال *** من فجعتي كنـي مسـوي جريمـة

قلت ارفعي صوتك ترى مابه ارسال *** كـذاب لكـنّ المصيبـة عظيمـة

قالت أقول اسمع ترى هرجنـا طـال *** ممكـن تصاحبنـي ترانـي وسيمـة

واسمي الحقيقي أول حروفـه الـدال *** لكـن يسمّونـي البنـات الزعيمـة

صحيح أحب الفخفخة واعشق المال *** لكـن ترانـي طاهـرة مستقيـمـة

ما عندي امغازل ولا (لعب يهّـال) *** ما عندي إلا في الشرف والحشيمـة

بس الصراحة قلبي لشوفتـك مـال *** واصبحت وحدك جالسٍ في صميمه

فكّر بعقلك واترك القيـل والقـال *** واحذر تطيع أهل العقـول العقيمـة

وارسل علي الحين خمسميـة ريـال *** أشحن بهـا جـوال أختـي غنيمـة

أو طقم غالي فيه خاتـم وسلسـال *** أروح بـه فـي عـرس ولاّ عزيمـة

قلت الحقيقة مانيب رجـل أعمـال *** ولانـي بتاجـر والمـوارد عديـمـة

أنا الصراحة شبـه عطّـال بطّـال *** وعلاقتـي بالفقـر جـداً حميـمـة

والراتب الله يرحم الحـال مـا زال *** محـدود والمصـروف ربـي عليمـه

والدين بـالآلاف والبنـك شغّـال *** ياكـل فلوسـي بالربـا والظليمـة

والسوق طايح والغلا ضيّـق البـال *** والموت والله صايـر اكبـر غنيمـة

قالت تحمّل بـس والحمـل ينشـال *** خلك شديد الباس صلـب العزيمـة

ياخي تصرّف جعلك اتصيـر نشّـال *** أهـم شـي إن النوايـا سليـمـة

لابد تفهمني علـى كـل الأحـوال *** ما دمت من أهل العقـول الفهيمـة

قلت إيه والله فاهم اللي على البـال *** لكن تـرى هـذي علينـا قديمـة

يا بنت هـذا صايـر اليـوم مـوال *** للي تبي تلعب علـى ابـن اللئيمـة

يا بنت ما تدرين كـم فيـه محتـال *** يلعب على الحبلين وانتـي غشيمـة

يا بنت كم من جاهلة دمعها سـال *** من عقب ما جات العواقب وخيمـة

والبنت لا اقفى عرضها بيد الأنـذال *** والله مـا يبقـى لهـا أي قيـمـة

قالت تبي ولاّ فخلّك علـى جـال *** مهوب ناقصنـي نصايـح حكيمـة

عز الله إنك للأسف منـت رجّـال *** وانك قليل الذوق ما فيـك شيمـة

يا لعنبو اللي مـا يسطّـرك بنعـال *** حتـى يعلمـك الغـزل يـا بهيمـة

( تفو ) عليك وصكّت الخط في الحال *** مدري ( تفو ) هي مدح ولاّ شتيمـة
الرجوع الى أعلى الصفحة اذهب الى الأسفل
أبــوذكــرى
المدير
المدير
avatar

عدد المساهمات : 39
نقاط : 4764
السٌّمعَة : 3
تاريخ التسجيل : 01/07/2011
العمر : 31
الموقع : بقلبها

مُساهمةموضوع: رد: قصيده في بنات اخر زمن:البارحه وردني تالي الليل جوال ا..لرقم بايخ لكن الصوت قتال   الخميس يوليو 14, 2011 2:27 pm

صدقوني محد بيزوج هذي الا اللي بايعها ب.......

تقبلي مرووري

__________________________________________

__________________________________________
الرجوع الى أعلى الصفحة اذهب الى الأسفل
http://aetrhaa.forumarabia.com
 
قصيده في بنات اخر زمن:البارحه وردني تالي الليل جوال ا..لرقم بايخ لكن الصوت قتال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنــتــديات عـــطـــرهـا أنـفــاســــي :: المنتدى الأدبي :: منتدى قصائد وخواطر الأعضاء-
انتقل الى: